АНУ-ын завсрын сонгуулийг Ардчилсан нам тэргүүлж байна: Уолл Стрийт холимог үзүүлэлттэй хаагдлаа

АНУ-ын завсрын сонгуулийн санал хураалт өндөрлөж, санал тоолох үйл явц эхэлсэнтэй зэрэгцэн хөрөнгө оруулагчид Конгрессын хяналт хэрхэн өөрчлөгдөхийг анхааралтай ажиглаж байна. Сонгуулийн үр дүн Ерөнхийлөгч Дональд Трампын татвар, худалдаа, эрчим хүч болон зохицуулалтын бодлогыг цаашид хэрэгжүүлэх боломжид нөлөөлөх юм.

Сонгуулийн өмнөх санал асуулгаар Ардчилсан намын нэр дэвшигчдийг дэмжихээ илэрхийлсэн бүртгэлтэй сонгогчид 46 хувь, Бүгд найрамдах намынхыг дэмжигчид 38 хувьтай байжээ. Түүнчлэн бие даасан сонгогчдын 50 хувь нь сонгуулиар Трампыг эсэргүүцсэн байр сууриа илэрхийлэхээр байгаагаа мэдэгдсэн байна.

Таамаглалын “Kalshi” платформын арваннэгдүгээр сарын 3-ны сонгуулийн өдрийн мэдээллээр Ардчилсан нам Төлөөлөгчдийн танхимд олонхыг бүрдүүлэх магадлалыг 94 хувиар үнэлж байгаа бол Сенатын хяналтыг авах магадлал 73 хувьтай байгаа аж.

Уолл Стрийт байдал АНУ-ын арваннэгдүгээр сарын 3-ны арилжааны нээлтээр аж үйлдвэрийн Dow Jones индекс 0.40 хувиар буурсан бол голлох S&P 500 индекс 0.10 хувиар өсч, технологийн Nasdaq индекс 0.39 хувиар нэмэгдсэн байна. Арилжааны төгсгөлд технологийн хувьцаануудын сэргэлт индексүүдийн өсөлтийг дэмжжээ. Тухайлбал, “Nvidia”-ийн хувьцааны ханш 2.3 хувиар өссөн бол “Apple”-ийнх 1.9 хувиар буурсан байна.