Ази, Номхон далайн технологийн салбарын өсөлт зургаа дахь өдрөө үргэлжилж байна

Хиймэл оюунд суурилсан аппликейшний хэрэглээ эрчимжиж, технологийн компаниудын хувьцааны ханш өссөнөөр Ази, Номхон далайн хөрөнгийн зах зээл лхагьа гарагийн арилжаагаар зургаа өдрөө дараалсан өсөлтөө үргэлжлүүлж байна. Үүний зэрэгцээ Ойрх Дорнодоос нийлүүлэлт нэмэгдэх хүлээлт газрын тосны ханш буурахад голлон нөлөөлж буй.

Японыг хассан Ази, Номхон далайн бүсийн хувьцааг хамардаг "MSCI" индекс арилжааны дунд үеэр 0.3 хувиар нэмэгдэж, зургаа дахь өдрөө дараалан өсөлтийг үзүүллээ. Мөн Өмнөд Солонгосын Kospi индекс 0.5 хувиар нэмэгдсэн бол эх газрын Хятадын CSI индекс 0.5 хувиар суларчээ.

Өмнөд Солонгосын технологийн “Samsung Electronics” компанийн хувьцааны ханш 2 гаруй хувиар өссөн нь бүс нутгийн технологийн салбарын өсөлтөд голлон нөлөөлсөн байна. Хэдийгээр Японы зах зээл баярын өдрөөр хаалттай байсан ч “Nikkei 225”-ийн фьючерс 66,735 нэгжид арилжаалагдаж, өнгөрсөн баасан гарагийн хаалтын түвшнээс бараг 1,700 нэгжээр өндөр байв.

Хиймэл оюуны агентуудын хэрэглээ эрс нэмэгдлээ Технологийн салбарын өсөлтөд АНУ-ын "Meta Platforms" компанийн хиймэл оюуны "Muse" агентын хэрэглээ нэмэгдсэн нь голлон нөлөөлж буй. "Muse" сүүлийн хоёр долоо хоногт АНУ-ын аппликейшны платформууд дээр хамгийн өндөр таталттай байгаа бөгөөд шинжээчид одоо “Google Labs”-ийн ижил төрлийн “CC” бүтээгдэхүүнийг хэрэглэгчид хэрхэн хүлээн авахад анхаарч байна.

“Pepperstone” брокерын судалгааны албаны дарга Крис Уэстоны мэдээлснээр хагас дамжуулагчийн салбар зургаа дахь өдрөө дараалан өсч, санах ойн чип үйлдвэрлэгчдийн хувьцаа технологийн салбарын өсөлтийг тэргүүлж эхэлжээ.

Үүний зэрэгцээ технологийн салбарт хөрөнгө оруулагчдын сонирхол өндөр байгааг бондын зах зээл ч харуулж байна. Тодруулбал, Японы технологийн хөрөнгө оруулалтын “SoftBank” групп 10 тэрбум ам.доллароос дээш хэмжээний бонд гаргахаар төлөвлөж байгаа бөгөөд худалдан авах сонирхол 20 тэрбум ам.доллароос давжээ. Өөрөөр хэлбэл, компанийн босгохоор төлөвлөсөн хөрөнгөөс хоёр дахин их хэмжээний эрэлт ирсэн гэсэн үг. Хэрэв уг бондын арилжаа төлөвлөсний дагуу амжилттай хэрэгжвэл энэ нь хөрөнгө оруулалтын зэрэглэлээс доогуур үнэлгээтэй бондын зах зээл дэх хамгийн том хэлцлүүдийн нэг болно.

Саудын Арабын нийлүүлэлт газрын тосны ханшийг буурууллаа

Саудын Араб Зүүн-Барууны газрын тос дамжуулах хоолойн үйл ажиллагааг сэргээж, Улаан тэнгисийн Янбу боомтоос экспортоо дахин эхлүүлсэн байж болзошгүй талаар эх сурвалжууд “Reuters” агентлагт мэдээлжээ. Мэдээллийн дараа “Brent” төрлийн газрын тосны фьючерс лхагва гарагийн арилжаагаар 0.9 хувиар буурч, баррель тутамдаа 98.37 ам.долларт хүрсэн бол АНУ-ын WTI-ийнх 1.3 хувиар сулран, баррель тутамдаа 89.32 ам.долларын түвшинд арилжаалагдаж буй.

Үүний зэрэгцээ АНУ-ын Ерөнхийлөгч Дональд Трамп Нью-Йоркт Ирантай хийж буй яриа хэлэлцээнд ахиц гарсан гэж мэдэгдсэн ч тохиролцоонд хүрээгүй тохиолдолд Ираны эсрэг цэргийн ажиллагааг эрчимжүүлэх талаар сүрдүүлсэн байр суурь илэрхийлжээ. Ираны Ерөнхийлөгч Масуд Пезешкиан лхагва гарагт НҮБ-ын Ерөнхий Ассамблейд үг хэлэхээр товлосон бөгөөд хоёр улсын удирдагч уулзаж магадгүйг зах зээл анхааралтай ажиглаж байна.

Мөн БНХАУ-ын Төрийн тэргүүн Ши Жиньпин лхагва гарагт Вашингтонд дээд хэмжээний айлчлах хийхээр товлосон бөгөөд АНУ болон БНХАУ худалдааны түр тохиролцоогоо сунгах эсэх, хиймэл оюуны салбарт хамтран ажиллах боломж хэлэлцүүлгийн гол сэдэв болох төлөвтэй байна.

Холбооны нөөцийн банк бодлогын хүүгийн шийдвэр Газрын тосны ханш буурснаар АНУ-ын Засгийн газрын 10 жилийн хугацаатай бондын өгөөж буурч, 5 хувиас доогуур түвшинд тогтворжжээ. Харин хоёр жилийн хугацаатай бондын өгөөж 4.7879 хувьд хүрч, 2024 оны дунд үеэс хойших дээд түвшинд хүрэв.

Ричмондын Холбооны нөөцийн банкны ерөнхийлөгч Том Баркин болон Бостоны Холбооны нөөцийн банкны ерөнхийлөгч Сьюзан Коллинз нар инфляцын эрсдэлийг харгалзан өнгөрсөн долоо хоногийн бодлогын хүүгийн өсөлтийг дэмжиж буйгаа мягмар гарагт илэрхийлсэн.

Фьючерсийн зах зээлийн үнэлгээгээр Холбооны нөөцийн банк аравдугаар сард бодлогын хүүгээ дахин өсгөх магадлал 54 хувьтай байна. Мөн оны эцэс хүртэл нийт 33 суурь нэгжийн нэмэлт өсөлтийг арилжаанд тусгажээ.