“Disney"-ийн зарим ажилтан цомхотголоос эмээж, завгүй мэт харагдахыг хичээж байна
“Disney” компани 2026 онд ажилтнуудаа хэд хэдэн удаа цомхотгосны дараа дахин орон тоо бууруулж болзошгүй тухай мэдээлэл гарчээ.
АНУ-ын “Disney” компанийн технологийн ажилтнуудын орон тооны цомхотгол үргэлжилж болзошгүй гэх мэдээлэлтэй холбогдуулан ажилтнууд нь удирдлагаасаа тодорхой тайлбар шаардаж эхэлжээ.
Тус компани 2026 онд хэд хэдэн удаа ажилтнуудаа цомхотгосон байна. Тиймээс ажилтнуудын төлөөлөл ажлын байрны тогтвортой байдалд санаа зовниж, хамт олны уур амьсгал муудсаныг дурджээ. Мөн зарим ажилтан удирдлагад ажил ихтэй, байнга завгүй мэт харагдахын тулд хүчин чармайлт гаргаж байгаагаа ч нуусангүй.
Пүрэв гарагийн үдээс хойш болсон компанийн дотоод уулзалтын үеэр ажилтнууд цомхотгол, зардал бууруулах төлөвлөгөөний талаар асуулт тавьжээ.
Тухайлбал, программ хангамжийн нэгэн инженер “Зардал бууруулах арга хэмжээг хэзээ хэрэгжүүлэхээр төлөвлөж байгаа нь тодорхой болсон уу?” хэмээн удирдлагаас асуусан байна.
Энэ нь компанийн технологийн ажилтнуудын хувьд цомхотголын цар хүрээнээс гадна дараагийн шийдвэр хэзээ гарах нь тодорхойгүй байгааг харуулж байна. 2023 онд 7,000 ажлын байр цомхотгосон тус компани өнгөрсөн оны санхүүгийн жилийн эцэст дэлхий даяар 231 мянга орчим ажилтантай байжээ. Энэ онд хэд хэдэн удаагийн цомхотголоор тус компани ойролцоогоор 1,500–2,000 ажилтнаа цомхотгосон аж.
Шинэ мэдээг цахим шуудангаар авах бол бүртгүүлнэ үү.
Холбоотой мэдээ
