Оюу толгойн ашгаас иргэн бүрд 857,000 төгрөг олгох саналыг өнөөдөр хэлэлцэнэ

УИХ-ын Эдийн засгийн байнгын хороо болон Өргөдлийн байнгын өнөөдрийн буюу хорооны арваннэгдүгээр сарын 11-ний хамтарсан хуралдаанаар нийтийн ашиг сонирхлыг хөндсөн асуудлаар иргэдээс ирүүлсэн өргөдлийг хэлэлцэхээр төлөвлөжээ.

Тодруулбал, Оюу толгойн 3 их наяд төгрөгийн ашгаас иргэн бүрд 857,000 төгрөгийг хувийн дансанд нь шилжүүлэх асуудлаар хуулийн төсөл санаачлах тухай саналыг хэлэлцэнэ.

Энэхүү алхам нь иргэдэд мөнгөн хөрөнгө шилжүүлэх эцсийн шийдвэр бус, хуулийн төсөл санаачлахтай холбоотой өргөдлийг хэлэлцэх үе шат юм.

Уг өргөдлийг иргэн Х.Оюунбилэг аравдугаар сарын 23-нд санаачилсан бөгөөд арваннэгдүгээр сарын 2-ны байдлаар 100,094 иргэн дэмжиж, гарын үсэг зуржээ. Ийнхүү шаардлагатай дэмжлэгийн босгод хүрсэн тул УИХ-ын дарга арваннэгдүгээр сарын 5-нд холбогдох байнгын хороодод шилжүүлсэн байна.

УИХ-ын албан ёсны хуралдааны товд хамтарсан хуралдааныг өнөөдөр 15:00 цагт, “Их Эзэн Чингис хаан” танхимд хийхээр тусгажээ.