Сингапурыг чиглэсэн биет алтны урсгал нэмэгдэж, Азийн баячууд хөрөнгөө дахин хуваарилж байна
Азийн хэт өндөр хөрөнгөтэй хөрөнгө оруулагчид геополитикийн эрсдэл нэмэгдсэн энэ үед Сингапурыг дахин аюулгүй хөрөнгө байршуулалтын төвөөр сонгож эхэлжээ. Дубайгаас Сингапур руу шилжих биет алтны урсгал түүхэн өндөр түвшинд хүрээд байна. Алтны ханш унц тутамдаа 4,400 ам.долларын орчимд хадгалагдаж байна.
Малайзын санхүүгийн үйлчилгээний “Maybank” банкны Сингапур дахь гүйцэтгэх захирал Алвин Лигийн хэлснээр Азийн хэт өндөр хөрөнгөтэй иргэд хөрөнгөө байршуулж буй хэлбэрээ эрчимтэй өөрчилж, уламжлалт санхүүгийн хэрэгслээс гадна үл хөдлөх хөрөнгө, үнэт металл болон шинэ төрлийн дижитал хөрөнгийг зэрэг сонирхох болжээ.
Тодруулбал, Дубайгаас Сингапур руу чиглэсэн биет алтны урсгал түүхэн өндөр хэмжээнд хүрлээ. Лигийн тайлбарласнаар Ойрх Дорнодын хурцадмал байдлын улмаас өмнө нь Сингапураас Дубай руу шилжсэн хөрөнгийн тодорхой хэсэг буцаж эхэлжээ.
Тэрбээр Сингапурын тогтвортой засаглал, өмч болон оюуны өмчийн хамгаалалт, татварын орчин, аюулгүй хөрөнгө байршуулалтын төв гэсэн нэр хүнд нь оффшор хөрөнгө татах давуу талыг хадгалж байна гэж үзэж буйгаа илэрхийлсэн байна.
Алт дахин анхаарлын төвд орж байна
Алтны ханш өндөр түвшинд хадгалагдаж байгаа нь хөрөнгө оруулагчдын сонирхлыг мөн нэмэгдүүлж байна. Алт одоогоор унц тутамдаа ойролцоогоор 4,400 ам.долларын орчим арилжаалагдаж байгаа бол АНУ-ын хөрөнгө оруулалтын “Goldman Sachs” банк оны эцэст 4,900 ам.долларт хүрнэ гэж таамаглажээ.
Алт оны эхэн үеийн дээд түвшнээсээ буурсан ч түүхэн жишигтэй харьцуулахад өндөр ханштай хэвээр байна. Алвин Лигийн үзэж буйгаар сүүлийн үеийн өсөлт нь алтыг хөрөнгийн үнэ цэнийг хадгалах хэрэгсэл гэж үзэх хөрөнгө оруулагчдын хандлагыг дахин бэхжүүлжээ.
Хэт өндөр хөрөнгөтэй иргэд зөвхөн санхүүгийн бүтээгдэхүүн бус, биет алт зэрэг бодит хөрөнгийг багцдаа оруулах сонирхолтой хэвээр байгаа нь геополитикийн тодорхой бус байдлын үед хөрөнгөө хамгаалах эрэлт үргэлжилж байгааг харуулж байна.
Залуу хөрөнгө оруулагчид дижитал хөрөнгө сонирхож байна
Нөгөө талд залуу үеийн хөрөнгө оруулагчдын дунд дижитал хөрөнгө болон криптовалютын сонирхол нэмэгдэж буйг Ли онцлов. Ийнхүү алт зэрэг уламжлалт хамгаалалтын хөрөнгийн зэрэгцээ өсөлтийн боломж өндөр боловч эрсдэл ихтэй шинэ хөрөнгийн ангиллыг багцад оруулах талаар илүү идэвхтэй хэлэлцэх болжээ.
Хөрөнгө оруулалтын чиглэл Сингапураар хязгаарлагдахгүй байна. Лигийн хэлснээр Хятадын хөрөнгөтэй иргэд Малайзын үл хөдлөх хөрөнгийг Сингапуртай харьцуулахад илүү таатай үнэлгээтэй гэж үзэж, хөрөнгө оруулах сонирхол нэмэгдүүлж байна.
“Hurun”-ийн дэлхийн баячуудын жагсаалын гуравдугаар сарын мэдээллээр Хятад 1,110 тэрбумтантай байсан бол АНУ-д 1,000 тэрбумтан бүртгэгджээ.
Азийн өндөр хөрөнгөтэй иргэдийн хөрөнгө оруулалтын шийдвэрт тогтвортой засаглал, өмчийн хамгаалалт, татварын нөхцөл зэрэг институцийн хүчин зүйлс чухал хэвээр байна. Үүний зэрэгцээ алт, үл хөдлөх хөрөнгө, дижитал хөрөнгийн сонирхол зэрэгцэн нэмэгдэж байгаа нь бүс нутгийн хөрөнгийн урсгал цөөн төвд төвлөрөхөөс илүү олон зах зээл, хөрөнгийн ангилалд тархах хандлагатай болсныг харуулж байна.
Холбоотой мэдээ
"Чингис хаан" нисэх буудлын агаарын хөлгийн шатахууны хангамж тогтворжлоо
Агаарын хөлгийг ТС-1 болон Jet Fuel No. 3 төрлийн шатахуунаар сумлах үйл ажиллагаа тасралтгүй үргэлжилж байна. Шатахууны хангамж тогтворжсоноор нислэгийн шатахуун цэнэглэлтийн үйл ажиллагаа хэвийн горимд шилжжээ. ОХУ-аас нийлүүлдэг онгоцны түлшний татан авалт тавдугаар сараас тасалдаад байсан ч есдүгээр сараас сэргээж, дотоодын хэрэгцээг хангах чиглэлээр ажиллахаар тохиролцсон байна.
Нийслэлд есдүгээр сарын 15-наас шахмал түлш борлуулж эхэлнэ
Долоон дүүрэгт 500 борлуулалтын цэг ажиллахаас 446 нь байнгын, 54 нь нөөц цэг байхаар төлөвлөжээ. Нэг шуудай буюу 25 килограмм шахмал түлшийг 3,750 төгрөгөөр худалдаална. Энэ өвөл айл өрхүүдэд 380 мянга гаруй тонн түлш нийлүүлэхээр байна.
Саудын Арабын Эрчим хүчний яам: Олон удаагийн халдлагын дараа Зүүн-Баруун дамжуулах хоолойг урьдчилан сэргийлэхээр хаалаа
Саудын Араб Зүүн-Баруун түүхий тос дамжуулах хоолойгоо урьдчилан сэргийлэх зорилгоор хааж, экспортын урсгалын эрсдэлийг өсгөлөө Саудын Арабын Эрчим хүчний яамны мэдээлснээр пүрэв гаргийн өглөө Рияд, Мадина бүсэд хоолойг онилсон халдлага гарч, хэд хэдэн хүн гэмтжээ Аюулгүй байдлын үнэлгээ дуусах хүртэл нийлүүлэлтийн өөрчлөлтүүд үргэлжилж, бүс нутгийн тосны үнийн савлагаа нэмэгдэх төлөвтэй
Алслагдсан бүсүүдэд шатахуун саатжээ
Гэсэн ч Улаанбаатар болон ихэнх орон нутагт нийлүүлэлт хэвийн үргэлжилж байна. Есдүгээр сарын эхний 10 хоногт 24 мянган тонн автобензин импортолсон бөгөөд есдүгээр сарын 11-ний байдлаар 2,460 тонн АИ-92 бензинийг агуулахад хүлээн авчээ. Шуурхай штаб буулгалт, агуулахын хүлээн авалт болон хүргэлтийн уялдааг сайжруулахад анхаарахаа илэрхийлжээ.
ОУЭХА: Нүүрсний дэлхийн эрэлт энэ онд 1.2 хувиар өснө
Олон улсын эрчим хүчний агентлаг нүүрсний дэлхийн эрэлтийн энэ оны төлөвөө өсөлттэй болгон шинэчилжээ. Нүүрсний хэрэглээ 8.94 тэрбум тоннд хүрнэ гэж тооцсон байна. Ормузын хоолойгоор шингэрүүлсэн байгалийн хийн нийлүүлэлт хумигдаж, ханш өссөн нь зарим зах зээлд нүүрсний өрсөлдөх чадварыг нэмэгдүүлэв.
Ойрх Дорнодын хурцадмал байдал, Хормузын хоолойн саатлаас шалтгаалан дэлхийн нүүрсний эрэлт ахина
Ойрх Дорнодын мөргөлдөөн, Хормузын хоолойн саатал хий дамжуулалтыг хумиж, нүүрсний эрэлт сэргэнэ. Олон улсын эрчим хүчний агентлаг 2026 онд дэлхийн нүүрсний хэрэглээ 1.2 хувь өсөж 8.94 тэрбум тонн болно гэж тооцов. Хийн үнэ өндөр хэвээр байх тусам нүүрс нөөц түлшний байр сууриа хадгалж, үнэ ба худалдааг дэмжинэ.