Үнэ тарифын зөрүү “Сибирийн хүч 2” төслийн хэлэлцээг гацаажээ
Оросын тал 1,000 шоо метр хийг 250-260 ам.долларт нийлүүлэх хүсэлтэй байгаа аж. Хятадын тал 50 ам.доллар, эсвэл 120-130 ам.долларын түвшний үнэ санал болгож буй гэж эх сурвалжууд дурджээ. Үнийн зөрүү нь хоолойн урт хугацааны нийлүүлэлтийн гэрээ төдийгүй төслийн эдийн засгийн өгөөж дээр тохиролцоход хүндрэл учруулж байна.
Монголоор дамжин ОХУ, БНХАУ-ыг холбох байгалийн хийн “Сибирийн хүч 2” хоолойн төсөл үнэ тарифын томоохон зөрүүний улмаас ахицгүй болсон талаар "South China Morning Post" нэрээ нууцалсан хэд хэдэн эх сурвалжаар баталгаажуулан мэдээлжээ.
Талуудын гол санал зөрөлдөөн 1,000 шоо метр байгалийн хийн нийлүүлэлтийн үнэд төвлөрч байна. ОХУ одоо ажиллаж буй “Сибирийн хүч 1” хоолойн нөхцөлтэй ойролцоо буюу 250-аас 260 ам.долларын үнээр нийлүүлэх сонирхолтой байгаа аж.
Харин БНХАУ Оросын дотоодын хэрэглээний тарифт илүү ойр нөхцөл хүсч байгаа гэж эх сурвалжууд мэдээлэв. Тухайлбал, 1,000 шоо метр хийг Оросын айл өрхийн тарифтай дүйцэх 50 ам.доллар, эсвэл үйлдвэрийн хэрэглэгчдийн түвшин болох 120-оос 130 ам.доллараар авах хувилбар яригдаж байгаа аж.
Ийм том үнийн зөрүү нь хоолойн урт хугацааны нийлүүлэлтийн гэрээ төдийгүй төслийн эдийн засгийн өгөөж дээр тохиролцоход хүндрэл учруулж байна.
“Сибирийн хүч 2” төслийн концепцоор 2,600 км урт хоолойг Оросын Ямалын хойгоос Монголын нутгаар дамжуулан Хятадтай холбож, жилд 50 тэрбум шоо метр хүртэл байгалийн хий нийлүүлэхээр төлөвлөсөн.
Гэвч үнэ дээр тохиролцоогүй хэвээр байвал хөрөнгө оруулалтын эцсийн шийдвэр, барилгын ажлын хугацаа зэрэг төслийн гол үе шат цааш хойшилно гэж эх сурвалжууд үзэж байна.
Үүний зэрэгцээ Оросын төрийн өмчит эрчим хүчний “Газпром” компани болон Хятадын газрын тос, хийн “CNPC” корпорац шинэ хоолой барихаас гадна одоо ашиглаж буй нийлүүлэлтийн чиглэлүүдийн хүчин чадлыг нэмэгдүүлэх талаар хэлэлцэж буй аж.
Тухайлбал, Алс Дорнодын чиглэлийн хоолой болон “Сибирийн хүч 1”-ийн дамжуулах хүчин чадлыг өргөтгөх хувилбар яригдаж байна. Одоо байгаа дэд бүтцийг нэмэгдүүлэх тохиролцоо урагшилбал талуудын анхаарал шинэ “Сибирийн хүч 2” төслөөс хэсэгчлэн шилжих боломжтой.
Төслийн нэршил ч өөрчлөгдөж магадгүй байна. ОХУ-ын Эрчим хүчний сайд Сергей Цивилёв Дорнын эдийн засгийн чуулганы үеэр Ерөнхийлөгч Владимир Путин хоолойн нэрийг “Байгалийн хүч” болгон өөрчилснийг мэдээлсэн ч шалтгааныг тайлбарлаагүй.
БНХАУ-ын дарга Ши Жиньпин, ОХУ-ын Ерөнхийлөгч Владимир Путин нар Шанхайн хамтын ажиллагааны байгууллагын дээд хэмжээний уулзалтын үеэр төслийн талаар ярилцах төлөвтэй байсан ч уулзалтын дараах албан мэдэгдэлд “Сибирийн хүч 2”-ын талаар тодорхой мэдээлэл тусгагдаагүй гэж "South China Morning Post" мэдээлжээ.
Ингэснээр Монголоор дамжих шинэ хийн хоолойн цаашдын хуваарь, хөрөнгө оруулалтын шийдвэр нь Орос, Хятад байгалийн хийн үнэ болон урт хугацааны нийлүүлэлтийн нөхцөл дээр хэрхэн тохиролцохоос ихээхэн хамаарах төлөвтэй байна.
Холбоотой мэдээ
"Чингис хаан" нисэх буудлын агаарын хөлгийн шатахууны хангамж тогтворжлоо
Агаарын хөлгийг ТС-1 болон Jet Fuel No. 3 төрлийн шатахуунаар сумлах үйл ажиллагаа тасралтгүй үргэлжилж байна. Шатахууны хангамж тогтворжсоноор нислэгийн шатахуун цэнэглэлтийн үйл ажиллагаа хэвийн горимд шилжжээ. ОХУ-аас нийлүүлдэг онгоцны түлшний татан авалт тавдугаар сараас тасалдаад байсан ч есдүгээр сараас сэргээж, дотоодын хэрэгцээг хангах чиглэлээр ажиллахаар тохиролцсон байна.
Нийслэлд есдүгээр сарын 15-наас шахмал түлш борлуулж эхэлнэ
Долоон дүүрэгт 500 борлуулалтын цэг ажиллахаас 446 нь байнгын, 54 нь нөөц цэг байхаар төлөвлөжээ. Нэг шуудай буюу 25 килограмм шахмал түлшийг 3,750 төгрөгөөр худалдаална. Энэ өвөл айл өрхүүдэд 380 мянга гаруй тонн түлш нийлүүлэхээр байна.
Саудын Арабын Эрчим хүчний яам: Олон удаагийн халдлагын дараа Зүүн-Баруун дамжуулах хоолойг урьдчилан сэргийлэхээр хаалаа
Саудын Араб Зүүн-Баруун түүхий тос дамжуулах хоолойгоо урьдчилан сэргийлэх зорилгоор хааж, экспортын урсгалын эрсдэлийг өсгөлөө Саудын Арабын Эрчим хүчний яамны мэдээлснээр пүрэв гаргийн өглөө Рияд, Мадина бүсэд хоолойг онилсон халдлага гарч, хэд хэдэн хүн гэмтжээ Аюулгүй байдлын үнэлгээ дуусах хүртэл нийлүүлэлтийн өөрчлөлтүүд үргэлжилж, бүс нутгийн тосны үнийн савлагаа нэмэгдэх төлөвтэй
Алслагдсан бүсүүдэд шатахуун саатжээ
Гэсэн ч Улаанбаатар болон ихэнх орон нутагт нийлүүлэлт хэвийн үргэлжилж байна. Есдүгээр сарын эхний 10 хоногт 24 мянган тонн автобензин импортолсон бөгөөд есдүгээр сарын 11-ний байдлаар 2,460 тонн АИ-92 бензинийг агуулахад хүлээн авчээ. Шуурхай штаб буулгалт, агуулахын хүлээн авалт болон хүргэлтийн уялдааг сайжруулахад анхаарахаа илэрхийлжээ.
ОУЭХА: Нүүрсний дэлхийн эрэлт энэ онд 1.2 хувиар өснө
Олон улсын эрчим хүчний агентлаг нүүрсний дэлхийн эрэлтийн энэ оны төлөвөө өсөлттэй болгон шинэчилжээ. Нүүрсний хэрэглээ 8.94 тэрбум тоннд хүрнэ гэж тооцсон байна. Ормузын хоолойгоор шингэрүүлсэн байгалийн хийн нийлүүлэлт хумигдаж, ханш өссөн нь зарим зах зээлд нүүрсний өрсөлдөх чадварыг нэмэгдүүлэв.
Ойрх Дорнодын хурцадмал байдал, Хормузын хоолойн саатлаас шалтгаалан дэлхийн нүүрсний эрэлт ахина
Ойрх Дорнодын мөргөлдөөн, Хормузын хоолойн саатал хий дамжуулалтыг хумиж, нүүрсний эрэлт сэргэнэ. Олон улсын эрчим хүчний агентлаг 2026 онд дэлхийн нүүрсний хэрэглээ 1.2 хувь өсөж 8.94 тэрбум тонн болно гэж тооцов. Хийн үнэ өндөр хэвээр байх тусам нүүрс нөөц түлшний байр сууриа хадгалж, үнэ ба худалдааг дэмжинэ.