Өмнөд Солонгос АНУ-д $350 тэрбумын хөрөнгө оруулах амлалтаа биелүүлж эхэллээ
БНСУ АНУ-тай байгуулсан 350 тэрбум ам.долларын хөрөнгө оруулалтын хэлэлцээрийн хүрээнд Техас мужид хийн цахилгаан станц барих төслийг эхний хөрөнгө оруулалтаар сонголоо. 6.3 гигаваттын хүчин чадалтай станц нь хиймэл оюуны дата төв болон хагас дамжуулагчийн үйлдвэрүүдийн өсөн нэмэгдэж буй цахилгааны эрэлтийг хангахад чиглэнэ. Сөүл цөмийн эрчим хүчний хоёр төсөл болон АНУ-ын “Westinghouse” компанийн 5-10 хувийг эзэмших боломжийг мөн судалж байгаа ч хөрөнгө оруулалтын өгөөжтэй холбоотой асуудал хэлэлцээний гол сэдэв хэвээр байна.
БНСУ-ын Засгийн газар өнгөрсөн жил АНУ-тай байгуулсан 350 тэрбум ам.долларын хөрөнгө оруулалтын хэлэлцээрийн хүрээнд хэрэгжүүлэх эхний төслөө сонгож, Техас мужийн Энсинал дахь хийн цахилгаан станцад хөрөнгө оруулахаар боллоо. Сөүл, Вашингтон хоёр өнгөрсөн оны худалдааны хэлэлцээрийн хэрэгжилтийг эцэслэхээр ажиллаж байгаа бөгөөд уг тохиролцоогоор АНУ БНСУ-ын бараанд ногдуулах гаалийн тарифыг 15 хувь болгон бууруулсан юм.
Техас мужид хэрэгжих төсөл нийт 6.3 гигаваттын хүчин чадалтай байх бөгөөд хөрөнгө оруулалтын хэмжээ 20 гаруй тэрбум ам.доллар байхаар төлөвлөжээ. Барагцаалбал, Өмнөд Солонгосын хэвлэлүүд төслийн өртгийг ойролцоогоор 22.3 тэрбум ам.доллар гэж мэдээлж байна. Цахилгаан станц нь Техас мужид нэмэгдэж буй хиймэл оюуны дата төвүүд болон хагас дамжуулагчийн үйлдвэрүүдийн эрчим хүчний хэрэгцээг хангахад чиглэж буй.
Талууд уг төслийг үе шаттай хэрэгжүүлэхээр төлөвлөж буй бөгөөд эхний ээлжид 1.4 гигаваттын хийн турбин бүхий байгууламж барьж, эрэлт болон эдийн засгийн үр өгөөжийг үнэлэхээр байгаа юм. Харин үүний дараа 4.9 гигаваттын хосолсон циклтэй үйлдвэрлэлийн хүчин чадлыг нэмж байгуулахаар төлөвлөжээ.
Өмнөд Солонгосын Аж үйлдвэр, худалдааны яам мягмар гарагт парламентын гишүүдэд төслүүдийн талаар хаалттай мэдээлэл өгсөн байна. Хөрөнгө оруулалтыг АНУ-ын Засгийн газрын холбогдох хороо батлах шаардлагатай бөгөөд АНУ-ын Худалдааны сайд Ховард Латниктай нөхцөлийг үргэлжлүүлэн хэлэлцэх аж.
Цөмийн эрчим хүч дараагийн том хөрөнгө оруулалт байж магадгүй
Сөүл АНУ-ын газар нутаг том оврын найман цөмийн реактор барих боломжийг мөн хэлэлцэж байна. Одоогоор яригдаж буй хувилбараар хоёр реакторт БНСУ-ын APR1400 загварыг, үлдсэн зургаад АНУ-ын “Westinghouse”-ийн AP1000 технологийг ашиглахаар хэлэлцэж байгаа ч эцсийн шийдвэр хараахан гараагүй байна.
Үүнтэй зэрэгцэн БНСУ цөмийн технологийн “Westinghouse” компанийн 5-10 хувийн хувьцааг эзэмших боломжийг судалж буйг парламентын гишүүд мэдээлжээ. Харин удаан хугацаанд яригдсан Аляскийн шингэрүүлсэн байгалийн хийн төсөлд оролцох эсэхээ Сөүл хараахан шийдээгүй байна.
350 тэрбум ам.долларын нийт хөрөнгө оруулалтын 150 тэрбумыг хөлөг онгоц үйлдвэрлэлийн салбарт хуваарилсан бол үлдсэн 200 тэрбумыг стратегийн хөрөнгө оруулалтад чиглүүлэхээр хоёр улс тохиролцсон. БНСУ мөн воны ханшид үзүүлэх нөлөөг хязгаарлахын тулд стратегийн хөрөнгө оруулалтыг жилд 20 тэрбум ам.доллароос хэтрүүлэхгүй байх зарчим баримталж байна.
Ашигт ажиллагаа хэлэлцээний гол асуудал болов
Хөрөнгө оруулалтын хэрэгжилт удааширч байгааг АНУ-ын тал шүүмжилж, Ерөнхийлөгч Дональд Трамп БНСУ-ын бараанд ногдуулах тарифыг дахин нэмэгдүүлэх боломжтойг өмнө нь анхааруулсан. Харин БНСУ-ын Ерөнхийлөгч И Жэ Мён хөрөнгө оруулалт бүр арилжааны үндэслэлтэй байх шаардлагатайг онцолжээ. Төслүүд ерөнхий тохиролцооноос бодит хөрөнгө оруулалтын шатанд шилжих үед ашигт ажиллагаа гол асуудлын нэг болсон байна.
Сөрөг хүчний парламентын гишүүд Техасын төслийн урт хугацааны ашигт ажиллагаа, үйлдвэрлэсэн цахилгааны худалдан авагчид тодорхой эсэхэд анхаарал хандуулахыг шаарджээ. Засгийн газрын тооцоогоор уг төсөл 20 жилийн хугацаанд оруулсан хөрөнгөө нөхөх боломжтой бөгөөд арилжааны хувьд хэрэгжих үндэслэлтэй гэж үзэж байна.
Холбоотой мэдээ
Санхүүгийн бэрхшээлтэй тулгарсан ч инээмсэглэн алхах тансаг зэрэглэлийн брэндүүд
Италийн загварын хот Милан, Их Британийн нийслэл Лондон болоод дурлалын хот Парис зэрэг хотод дэлхийн томоохон загварын брэндүүд шинэхэн коллекцоо танилцуулж байгаа ч тансаг зэрэглэлийн салбарын "лагшин муу" байна. Тодруулбал, тансаг зэрэглэлийн брэндүүдийн бизнесийн цаашдын төлөв тийм ч таатай харагдахгүй байгааг салбарын мэргэжилтнүүдээс өгсүүлээд хөрөнгө оруулагчид онцолж буй. Сүүлийн жилүүдэд тансаг зэрэглэлийн брэндүүд бүтээгдэхүүнийхээ үнийг мэдэгдэхүйц хэмжээнд нэмэгдүүлсэн нь чинээлэг хэрэглэгчдийг хүртэл төлсөн мөнгөндөө тохирсон үнэ цэнтэй бараа, бүтээгдэхүүн авч байгаа эсэхдээ илүү анхаарахад хүргэжээ.
Bernstein Энэтхэгийн том компаниуд шинэ технологийн доройтол давахгүйгээс гадаадын хөрөнгө татах шалтгаан хомс гэж үзэв
Bernstein Энэтхэгийн эдийн засаг хурдтай өсөж буй ч хувьцааны зах нь гадаадын хөрөнгө оруулагчдыг татах чадваргүй болсон гэж анхааруулав NSDL-ийн мэдээллээр есдүгээр сард гадаадын багц хөрөнгө оруулагчид 1.7 тэрбум ам.долларын хувьцаа зарж, оны эхнээс нийт бараг 26 тэрбум ам.долларт хүрэв Нео салбарын өсөлт жишиг индексэд сул тусч, том хөрөнгө байршуулалт саарах эрсдэл үргэлжилнэ
Анх удаа сайн дураар даатгуулагчийн тэтгэврийн шимтгэлийн 50 хувийг чөлөөлнө
Нийгмийн даатгалд өмнө нь хамрагдаж байгаагүй иргэн анх удаа сайн дураар даатгуулбал тэтгэврийн даатгалын шимтгэлийн тодорхой хэсгийг төлөхөөс чөлөөлөх зохицуулалт 2027 оны нэгдүгээр сарын 1-нээс хэрэгжинэ. Чөлөөлөлтийг тухайн үед мөрдөж буй сарын хөдөлмөрийн хөлсний доод хэмжээнд ногдох тэтгэврийн даатгалын шимтгэлийн 50 хувиар тооцож, 24 сараас илүүгүй хугацаанд эдлүүлнэ. Шинэ зохицуулалт нь албан бус салбарт болон хувиараа хөдөлмөр эрхэлж буй иргэдийг нийгмийн даатгалд анх удаа хамруулахад чиглэж байна.
Гачуурт, Хуандайн ам орчимд гурван өдөр цахилгаан хязгаарлана
Гачуурт, Хуандайн амны цахилгаан хангамжийг сайжруулах шугамын шинэчлэлийн ажил есдүгээр сарын 23-25-нд үргэлжилнэ. Есдүгээр сарын 23-нд 11:00-18:00, харин 24, 25-нд 09:00-19:00 цагийн хооронд цахилгаан хангамжид түр хязгаарлалт хийнэ. Тухайн бүсийн хэрэглэгчдийг цахилгааны хэрэглээгээ зохицуулж, тоног төхөөрөмжийн аюулгүй байдлыг хангахыг зөвлөжээ.
Бээжин чинээлэг иргэдийнхээ оффшор хөрөнгө болон орлогод ногдуулж буй татвар нь богино хугацаанд эрсдэл үүсгэж болзошгүй
Хятадын Засгийн газар чинээлэг иргэдийнхээ оффшор дансанд байршуулсан хөрөнгө болон түүнээс олсон орлогод татвар ногдуулах шинэ зохицуулалтаа хэрэгжүүлж буй. Энэхүү зохицуулалт нь Хонконг болон АНУ-д бүртгэлтэй зарим Хятадын компанийн хувьцаанд богино хугацааны эрсдэл үүсэж болзошгүйг “BofA Securities” мэдээллээ. Хятадын эрх баригчид долдугаар сард оффшор дансанд байршуулсан хөрөнгө болон түүнээс бий болсон орлогод хувь хүний орлогын татвар ногдуулж, урьд өмнө төлөөгүй татварыг 90 хоногийн дотор барагдуулах шаардлага тавьсан.
Өглөө юу өмсөхөө ч шийдэж чадахгүй байх нь сэтгэлзүйн хувьд туйлдаж эхэлсний дохио юм
Өглөө ямар хувцас өмсөхөө сонгох зэрэг урьд өмнө төвөггүй гаргадаг байсан жижиг шийдвэр хүртэл хэцүү санагдаж эхэлсэн бол та сэтгэлзүйн хувьд туйлдаж эхэлсэн байж болзошгүй юм. Сэтгэлзүйчийн хэлснээр сэтгэлзүйн хувьд туйлдах нь тусдаа хам шинж биш, харин удаан үргэлжилсэн стрессээс үүдэлтэй бие, сэтгэлзүйн туйлдлын өмнөх анхааруулах шинж байж болно. Тиймээс стрессээс түр хугацаанд холдохоос илүүтэй түүнийг үүсгэж буй өдөр тутмын нөхцөлөөс алийг нь бодитоор өөрчилж болохыг тодорхойлох нь чухал хэмээн сэтгэлзүйч зөвлөж байна.