Шахах уу, үрэх үү: Саримсны амтыг хоолтойгоо хэрхэн зохицуулах вэ?

Нэгэн цагт гал тогооны түгээмэл хэрэгслийн нэг байсан саримс шахагч жагсаалтаас гарч, оронд нь саримс үрэх, нухах эсвэл хутгаар жижиглэх нь түгээмэл болжээ. Хоолны жор боловсруулагч, "Big Veg Energy" номын зохиогч Кристина Сотериугийн хэлснээр саримс шахагчийг бүрэн халах шаардлагагүй аж. Энэ нь хутгаар жижиглэхээс хурдан учраас сүмс, жигнэсэн болон удаан болгодог хоолонд тохиромжтой.

Шахсан саримс удаан хугацаанд болсноор жижиг хэсгүүд нь зөөлөрч, хоолонд бараг бүрэн уусдаг бол саримсыг түүхийгээр хэрэглэх эсвэл богино хугацаанд болгох үед боловсруулах арга нь амтанд илүү нөлөөлдөг байна.

Саримсыг нухаж хэрэглэх нь хоолны амт нь жигд, зөөлөн болоход нөлөөлдөг, харин шүүсийг шахсанаар хоолыг гашуувтар амттай болгодог байна.

"The Capsule Kitchen" номын зохиогч Женни Чандлерын хувьд саримс шахагчийн гол сул тал нь амтаас илүү хэрэглээний тав тухтай холбоотой. Шахагчийг шүүгээнээс олох, саримсаа хийх, хажуугаар нь шахагдсан хэсгийг дахин боловсруулах, эцэст нь хэрэгслээ цэвэрлэх шаардлагатай болдог.

Ялангуяа хэд хэдэн хумс саримс зэрэг жижиглэх үед хутганы хавтгай талаар сармисаа бяцалж, бага зэрэг давстай хамт жижиглэх нь илүү хурдан байж болохыг тэр онцолжээ.

Удаан буцалгах шөл, сүмс, жигнэсэн хоолонд саримс шахагч ашиглахад асуудалгүй. Харин түүхий саримс орох салатны амтлагч зэрэг болон богино хугацаанд болгох жоруудад үрэгч, нухуур эсвэл хутгаар жижиглэх аргыг сонгохыг зөвлөсөн байна.

Харин дэлгүүрүүдээр жижиглэн худалддаг савласан саримс хэзээ ч гар аргаар бэлтгэсэн саримсыг гүйцэхгүй гэж хоол зүйчид зөвлөж байна.