И.Маск: Женсен Хуангийг компанидаа ажилд авах нь нэр төрийн хэрэг
“Nvidia”-ийн Захирлуудын зөвлөл Женсен Хуангийг огцруулах асуудлыг хэлэлцэж болзошгүй тухай мэдээлэл гарлаа.
Тэрбумтан Илон Маск “Nvidia”-ийн гүйцэтгэх захирал Женсен Хуангийг ажилд авахад бэлэн байгаагаа илэрхийллээ. Тэрбээр санхүүгийн мэдээллийн “ZeroHedge” хаягаас X платформд нийтэлсэн “Илон, Женсенийг ажилд аваач” гэсэн саналд “Нэр төрийн хэрэг болно” хэмээн хариулсан байна. Гэхдээ энэ нь албан ёсны ажлын санал биш юм. Маскийн энэхүү мэдэгдлийг “Nvidia”-ийн захирлуудын зөвлөл Хуангийг гүйцэтгэх захирлын албан тушаалаас огцруулах асуудлыг хэлэлцэж болзошгүй тухай мэдээлэл гарсны дараа хийжээ. “The Wall Street Journal”-ын удирдлагууд түүний цаашдын албан тушаалын талаар шийдвэр гаргахаар бэлтгэж байгааг мэдээлсэн бол “Reuters” уг асуудлыг хэлэлцэх хурал арваннэгдүгээр сарын 11-нд товлогдсон талаар эх сурвалжаас эш татсан байна.
Хуангийг огцруулж болзошгүй тухай мэдээлэл хөрөнгө оруулагчдын болгоомжлолыг нэмэгдүүлж, “Nvidia”-ийн хувьцааны ханш арваннэгдүгээр сарын 11-ний үндсэн арилжаагаар 2.9 хувиар өссөн ч биржийн дараах арилжаанд огцом унасан байна. Одоогоор “Nvidia”-ийн захирлуудын зөвлөлөөс түүнийг огцруулсан тухай албан ёсны шийдвэр зарлаагүй бөгөөд хөрөнгө оруулагчдын анхаарал компанийн дараагийн мэдэгдэл болон удирдлагын тогтвортой байдалд төвлөрч байна.
Шинэ мэдээг цахим шуудангаар авах бол бүртгүүлнэ үү.
Холбоотой мэдээ
