«Эрдэнэс Тавантолгой»-н борлуулалт 10 сард 2 тэрбум долларт дөхөж, 68.1 хувиар өсч, цэвэр ашиг 1.5 их наяд төгрөгт хүрэв
Компани энэ онд Үндэсний баялгийн санд 480.3 тэрбум, улсын төсөвт 1 их наяд төгрөгийн ногдол ашиг төвлөрүүлнэ гэж гүйцэтгэх захирал Б.Чагнаадорж мэдэгдэв.
«Эрдэнэс Тавантолгой» ХК-ийн борлуулалтын орлого оны эхний 10 сарын байдлаар 2 тэрбум ам.долларт дөхөж, өмнөх оны мөн үеэс 68.1 хувиар өсчээ.
Eguur.mn, Record.mn зэрэг сайтын мэдээлснээр, компани энэ онд 1 их наяд төгрөгийн цэвэр ашигтай ажиллахаар төлөвлөсөн бол эхний 10 сарын цэвэр ашиг 1.5 их наяд төгрөгт хүрч, төлөвлөгөөгөө 50 хувиар давжээ. Мөн зардлаа 623 тэрбум төгрөгөөр хэмнэж, хилийн боомтод хүргэх нөхцөлөөр борлуулсан нүүрсний хэмжээ 3.4 дахин нэмэгдсэн байна.
Компани энэ хугацаанд 28 сая гаруй тонн нүүрс экспортолсон нь өмнөх оны мөн үеэс 8.9 сая тонн буюу 48.3 хувиар их байна. Ханги боомтоор гаргаж буй нүүрсний хэмжээ нэгдүгээр сартай харьцуулахад 7.5 дахин өсч, 5.8 сая тоннд хүрчээ. Монгол Улс энэ онд 90 сая тонн нүүрс экспортлохоор төлөвлөснөөс арваннэгдүгээр сарын 1-ний байдлаар 104 сая тоннд хүрээд байгаа юм. Сүүлийн үед нүүрсний сарын экспорт саарсан гэх мэдээлэл гарч байсан ч жилийн төлөвлөгөө аль хэдийн давжээ.
«Эрдэнэс Тавантолгой» оны эхний 10 сард улс, орон нутгийн төсөвт 1,422.6 тэрбум төгрөгийн татвар, хураамж төлж, төлөвлөгөөгөө 132.7 хувиар биелүүлсэн нь өмнөх оны мөн үеэс 28.4 хувиар их байна.
Гүйцэтгэх захирал Б.Чагнаадорж «Бид 2026 онд Үндэсний баялгийн санд 480.3 тэрбум, төсөвт 1 их наяд төгрөгийн ногдол ашиг төвлөрүүлнэ» гэж мэдэгджээ. Иргэн бүр компанийн 1,072 ширхэг хувьцаа эзэмшдэг бөгөөд төрийн өмчийн ногдол ашиг цалин, тэтгэвэр нэмэх зэрэгт зарцуулагдах төсвийн чухал эх үүсвэр болдог.
Мэдээ X сүлжээнд олноор тархаж, хэрэглэгчид үүнийг сайн мэдээ гэж хүлээн авахын зэрэгцээ ногдол ашгийг хэрхэн зарцуулахыг анхааран ажиглаж байна.
ЭТТ-н захирал Чагнаадорж гэсэн үү? Томилогдоод 5 сар болж байгаа гэхэд овоо сайн мэдээ дуулгачихдаг залуу байна. 10 сарын үзүүлэлт бүгд өсөлттэй гарч. Орлого нь өмнөх үеэс 68% илүү. Цэвэр ашиг 1,5 их наяд. ТӨК-ийн ноогдол ашиг бол төсөвт татан авч, цалин тэтгэвэр нэмэх мөнгө шүү!
Эрдэнэс Тавантолгойн 2025 оны эхний 10 сарын борлуулалт нь бараг 2 тэрбум доллар /7их наяд орчим төгрөг/👏 Жилийн цэвэр ашиг 1 их наяд байхаас эхний 10 сард амжаад 1,5 их наяд болж. Цэвэр ашиг нь лав 50% давчихсан явж байна. Энэ чинь л сайн мэдээ байна. Тоо худал хэлэхгүй ээ
Эрдэнэс Тавантолгойн орлого оны эхний 10 сард 2 тэрбум долларт хүрч өнгөрсөн жилийн мөн үеэс 68,1% өслөө reelnews.mn/a/11746/ 2025 оныхоос 8,9 сая тонн, 48,3% өссөн үзүүлэлт. Монгол Улс 2025 онд 90 сая тн нүүрс экспортлохоор төлөвлөснөөс 11/01-ний байдлаар 104 сая тнд хүрсэн
Шинэ мэдээг цахим шуудангаар авах бол бүртгүүлнэ үү.
Холбоотой мэдээ
