НИТХ дахь МАН-ын бүлэг хотын албан татварыг 1 хувь болгох саналыг дэмжлээ
НИТХ дахь МАН-ын бүлэг зочид буудал, амралтын газар, ресторан, баар, автомашин угаалга болон авто үйлчилгээний хотын албан татварыг хоёр хувиас нэг хувь болгон бууруулах саналыг дэмжжээ.
Нийслэлийн нутаг дэвсгэрт үйл ажиллагаа явуулж буй зургаан төрлийн үйлчилгээний хотын албан татварыг одоогийн хоёр хувиас нэг хувь болгон бууруулах саналыг НИТХ дахь МАН-ын бүлэг дэмжлээ.
Тодруулбал, зочид буудал, амралтын газар, ресторан, баар, автомашин угаалга болон авто үйлчилгээний салбарт ногдуулах хотын албан татварыг нэг нэгж хувиар бууруулж, 2027 оны нэгдүгээр сарын 1-нээс хэрэгжүүлэх санал боловсруулжээ.
Уг саналыг одоогоор МАН-ын бүлгийн түвшинд дэмжсэн бөгөөд НИТХ-аар хэлэлцэж, холбогдох шийдвэр гаргасны дараа хэрэгжих боломж бүрдэнэ.
Төсвийн тодотголд цалин, өвөлжилт болон шатахууны зардлыг тусгажээ
НИТХ дахь МАН-ын бүлэг мөн нийслэлийн төсвийн тодотголтой холбоотой асуудлыг хэлэлцсэн байна. Төсвийн тодотголд төрийн албан хаагчдын цалингийн нэмэгдэл, өвөлжилтийн бэлтгэл ажил болон шатахууны үнийн өсөлтөөс шалтгаалсан нэмэлт зардлыг тусгажээ. Мөн төсвийн зардлыг хэмнэх, авто зам ашигласны төлбөрийн зохицуулалтыг 2027 оны төсөвт тусгах асуудлыг хэлэлцжээ. НИТХ-ын ээлжит хуралдаан ирэх даваа гарагт болно.
Шинэ мэдээг цахим шуудангаар авах бол бүртгүүлнэ үү.
Холбоотой мэдээ
