OPEC+ бүлэг газрын тосны олборлолтын зорилтоо өөрчлөлтгүй хэвээр үлдээлээ

Газрын тос экспортлогч орнуудын байгууллага болон ОХУ тэргүүтэй холбоотнуудаас бүрдэх OPEC+ бүлэг ням гарагт болсон цахим уулзалтаар арваннэгдүгээр сарын олборлолтын зорилтоо өөрчлөхгүй байхаар тохиролцлоо. Шийдвэрийг Саудын Араб, ОХУ, Ирак, Кувейт, Алжир, Казахстан болон Оман гэсэн голлох долоон гишүүн орон гаргажээ. Зах зээлийн хувьд адил шийдвэрийг хүлээж байсан бөгөөд энэ ондоо багтаан олборлолтын бодлого огцом өөрчлөгдөх магадлал хязгаарлагдмал байна.

Персийн булангийн экспорт тасалдсан хэвээр байна Ираны дайны улмаас газрын тосны тээвэрлэлт доголдсоны улмаас OPEC+ бүлгийн Персийн булангийн орнууд хүссэн хэмжээгээрээ газрын тос зах зээлд нийлүүлж чадахгүй байгаа юм. CNBC-ийн эдгээр улсын экспортын тоон үзүүлэлтүүдэд хийсэн дүн шинжилгээгээр гишүүн орнуудын нийлүүлэлтийн түвшин хэвийн үеийнхээс 20-40 хувиар бага байжээ. Үүний зэрэгцээ “Brent” төрлийн газрын тосны ханш баасан гарагт 2 гаруй хувиар огцом өсч, баррель тутамдаа 100 ам.доллароос даваад байсан. Тус өсөлтөд Хятадын газрын тос үйлдвэрлэгч компаниуд баасан гарагаас эхлэн Хонконг болон Макаогоос бусад зах зээл рүү энэ сард экспортлохоор төлөвлөж байсан зарим нийлүүлэлтээ тодорхойгүй хугацаанд цуцалсан нь голлон нөлөөлжээ. Гэсэн хэдий ч тус өдөр Европын удирдагчид АНУ-ын Ерөнхийлөгч Дональд Трампын хүсэлтийн дагуу дизель түлшний нөөцөөс зах зээлд нийлүүлэхээр тохиролцсоны дараа ханш буурсан байна.

Олборлолтоо өсгөх зорилтын хэрэгжилт зөвхөн цаасан дээр л үлдлээ OPEC+ олон жилийн турш олборлолтоо танасны дараа энэ оны турш зорилтот түвшнээ үе шаттайгаар нэмэгдүүлсэн. Гэвч Ойрх Дорнод дахь мөргөлдөөний улмаас экспорт тасалдаж, олборлолтын дийлэнх нь бодит нийлүүлэлт болж чадаагүй байгаа юм. “OPEC”-ийн мэдээллээр бүлгийн голлох долоон гишүүн наймдугаар сард өдөрт нийт 25 сая баррель газрын тос олборлосон нь өмнөх сараасаа 630,000 баррелиар нэмэгдсэн үзүүлэлт болжээ. Гэсэн хэдий ч дайны өмнөх хоёрдугаар сарын түвшнээс 5 сая баррелиар буурсан байна. Үүний зэрэгцээ Ираны дайны улмаас гишүүн орнуудын үйлдвэрлэлийн хүчин чадлыг ажил хойшлогджээ. Уг үнэлгээ нь 2027 оны олборлолтын квотыг гишүүн улс орнуудад хэрхэн хуваарилахыг тодорхойлоход чухал ач холбогдолтой байсан юм. OPEC+ бүлэг гишүүн орнуудын өдөрт олборлох газрын тосны хэмжээг 2 сая баррелиар танах бодлогоо үргэлжлүүлж буй.