OpenAI Дэн Дрисколлыг үндэсний аюулгүй байдлыг шинэчлэх ахлах зөвлөхөөр томиллоо

OpenAI Дэн Дрисколлыг үндэсний аюулгүй байдлын шинэчлэлийн ахлах зөвлөхөөр томилсноо мэдээллээ. Шинээр бий болгосон уг албан тушаалд тэр хиймэл оюуныг үндэсний болон кибер аюулгүй байдлыг бэхжүүлэхэд ашиглахад төвлөрнө.

Дрисколл OpenAI-ийн удирдлага, төрийн албан тушаалтнууд, бизнесийн салбар, академик байгууллага болон холбоотон байгууллагуудтай хамтран ажиллах юм. Мөн холбоотнуудад дэвшилтэт технологийг хариуцлагатай нэвтрүүлэх, ардчилсан хиймэл оюуны хамтын ажиллагааг өргөжүүлэхэд анхаарна.

Дрисколл “Үндэсний аюулгүй байдлын шаардлага сүүлийн тавин жилийн аль ч үеэс илүү хурдтай өөрчлөгдөж байна” гэж хэлжээ. Тэрээр “Биднийг хамгаалдаг хүмүүсийн төлөө энэ технологийг хариуцлагатай ашиглахад АНУ болон холбоотнуудад туслахаар OpenAI-д нэгдэж байна” хэмээн мэдэгдсэн байна.

OpenAI-ийн гүйцэтгэх захирал Сэм Алтман “Бусад оронтой хамтран ардчилсан хиймэл оюуны хэрэглээг түгээн дэлгэрүүлэх онцгой боломж” байгааг онцолжээ. Тус компани шинэ албан тушаалаар дамжуулан хиймэл оюуны хөгжил, аюулгүй байдал болон холбоотнуудын хамтын ажиллагааг уялдуулах зорилт тавьж байна.