Уул уурхайн ТОП-50 компанийн зах зээлийн үнэлгээ хоёр сарын дотор $490 тэрбумаар буурчээ
Уул уурхайн компаниудын үнэлгээ буурахад алт, мөнгөний ханш унасан нь голлон нөлөөлсөн байна. Аравдугаар сарын эцэст алтны ханш унц нь 3,884 ам.доллар болж, сарын дүнгээр 6.
Харин зэсийн ханш аравдугаар сарын эцэст фунт тутамд 6.47 ам.доллар болж, сарын дүнгээр 1.4 хувиар буурсан ч он гарснаас хойш 15 хувийн өсөлттэй хэвээр үлдлээ. Гэсэн хэдий ч зэсийн салбарын 11 компанийн нийт үнэлгээ 69 тэрбум ам.доллароор буюу 13.3 хувиар буурсан нь салбарууд дундаа хамгийн их мөнгөн дүнтэй уналт болсон байна.
Тухайлбал, “Southern Copper”-ийн үнэлгээ 21 тэрбум ам.доллароор доошилсон бол “Freeport-McMoRan”-ийн үнэлгээ 89.7 тэрбум ам.доллар болж, 100 тэрбумын босгоос доошилжээ.
Арилжааны эргэлт сүүлийн 11 сарын доод түвшинд хүрэв
Аравдугаар сард ТОП-50 компанийн хувьцааны арилжааны нийт эргэлт 243 тэрбум ам.доллар болсон нь 2025 оны арваннэгдүгээр сараас хойших хамгийн бага үзүүлэлт юм.
Энэ нь нэгдүгээр сарын 454 тэрбум ам.долларын эргэлтийн бараг тал хувьтай тэнцэж байна. “MINING.COM”-ийн тайлбарласнаар зах зээлийн үнэлгээний бууралтад их хэмжээний борлуулалтаас илүүтэй худалдан авагчдын идэвх сул байсан нь нөлөөлжээ.
Канадын уул уурхайн компаниудын үнэлгээ 51 тэрбум ам.доллараар буурчээ
Улс орнуудаар ангилбал Канадын уул уурхайн компаниудын нийт үнэлгээ аравдугаар сард 51 тэрбум ам.доллароор буурч, 451 тэрбум ам.доллар болсон ч жагсаалтыг тэргүүлсэн хэвээр байна.
Австралийн компаниудын нийт үнэлгээ 433 тэрбум, АНУ-ынх 274 тэрбум ам.долларт хүрчээ. Харин жагсаалтад багтсан БНХАУ-ын зургаан компанийн нийт үнэлгээ 11.6 хувиар буурч, 210 тэрбум ам.доллар болсон байна.
ТОП-50 индексийн нийт үнэлгээ хоёрдугаар сарын 2.75 их наяд ам.долларын оргил үеэс 712 тэрбум ам.доллароор буюу 26 хувиар буурчээ. Энэ нь 2025 оны арваннэгдүгээр сараас хойших хамгийн доод түвшин юм.
Монгол Улсын хувьд уул уурхайн салбарын олон улсын үнэлгээний өөрчлөлт нь зэс, алт зэрэг голлох түүхий эдийн ханш, хөрөнгө оруулалтын орчин болон шинэ төслүүдийн санхүүжилтэд нөлөөлөх магадлалтай. Гэхдээ биржид бүртгэлтэй компаниудын зах зээлийн үнэлгээ буурсан нь уул уурхайн бүтээгдэхүүний экспортын орлого ижил хэмжээгээр багассан гэсэн үг биш юм.
Шинэ мэдээг цахим шуудангаар авах бол бүртгүүлнэ үү.
Холбоотой мэдээ
