Дэлхийн дарсны зах зээлийн уналтыг сөрж, үйлдвэрлэлээ 10 хувиар өсгөж буй Токай
Дэлхийн дарсны экспорт 2025 онд хэмжээгээрээ 4.7 хувиар буурсан бол Унгарын Токай бүсийн үйлдвэрлэл 8-10 хувиар өсчээ.
Дэлхийн дарсны эрэлт багасч, олон улсын энэ төрлийн бүтээгдэхүүний худалдаа хумигдаж буй энэ үед Унгарын Токай бүсийн бизнесийн урсгал эсрэг чиглэлд хөдөлж байна. Усан үзмийн тариалан, дарсны аялал жуулчлалыг сурталчилдаг “Visit Tokaj”-ийн тооцоогоор тус бүсийн үйлдвэрлэл 2024-өөс 2025 онд 8-аас 10 хувиар нэмэгджээ.
Олон улсын усан үзэм, дарсны байгууллага буюу OIV-ийн тайланд дэлхийн дарсны экспорт өнгөрсөн онд 94.8 сая гектолитрт хүрч, өмнөх оноос 4.7 хувиар буурсан байна. Экспортын орлого мөн 6.7 хувиар багасч, 33.8 тэрбум еврод хүрчээ. Дэлхийн дарсны хэрэглээ 2.7 хувиар буурсан нь худалдан авах чадвар суларсан болон хөгжингүй зах зээлүүдийн хэрэглээний хэв маяг өөрчлөгдөж буйтай холбоотой гэж OIV дүгнэжээ.
Амтлаг дарснаас өөр боломж
Токай нь албан ёсны хил заагийг хамгийн эрт тогтоосон дарс үйлдвэрлэлийн бүсүүдийн нэг юм. Эзэн хаан VI Карлын 1737 оны зарлигаар тус нутгийг хаалттай дарсны бүс болгон тогтоосон бөгөөд дарс үйлдвэрлэсэн түүх XVI зуунаас эхтэй.
Бодрог, Тиса мөрөн, галт уулын гаралтай хөрс, намрын өглөөгүүр тогтдог манан болон үдээс хойших дулаан цаг агаар нь фурминт усан үзэмд боловсрох таатай орчин бүрдүүлдэг. Энэ үеэр гардаг нэгэн төрлийн "хөгц" жимсний чийгийг багасгаж, сахар болон амтны нэгдлүүдийг өтгөрүүлдэг тул Токайн нэрийн бүтээгдэхүүн болох амтлаг “Tokaji Aszú” дарсны давтагдашгүй чанарыг бүрдүүлдэг байна.
Гэвч үйлдвэрлэгчид зөвхөн амтлаг дарсанд найдахгүй байна. Дарс үйлдвэрлэлийн “Disznókő” эдлэн фурминтаар хуурай дарс үйлдвэрлэж, орчин үеийн хэрэглэгчдийн сонирхлыг татахыг зорьжээ. Тус эдлэнгийн ерөнхий менежер бөгөөд ахлах дарс үйлдвэрлэгч Ласло Месарош фурминтын шинэлэг, эрдэслэг амт өнөөгийн зах зээлд эрэлттэй байгааг онцлов.
“Disznókő”-гийн “Tokaji Aszú” нэг шил нь эдлэнгийн жижиглэнгийн худалдаагаар 30-аас 40 еврогийн үнэтэй.
Дарснаас давсан аяллын туршлага
Токайн түүхэн дарсны бүсийг ЮНЕСКО 2002 онд Дэлхийн соёлын өвд бүртгэсэн. Соёлын өвийн хамгаалалтад зөвхөн усан үзмийн талбай бус, түүхэн тосгод, фермүүд болон галт уулын чулуулагт ухаж байгуулсан зоорийн сүлжээ ч оржээ.
Органик дарс үйлдвэрлэлийн “Tokaj-Hétszőlő” эдлэнгийн ерөнхий менежер Г.Макай аялагчид дарсны амтаас гадна тухайн газрын түүх, орчин, үйлдвэрлэлийн туршлага сонирхох болсныг хэлжээ. Тус эдлэн Токай хот дахь 500 жилийн настай “Rákóczi” зооринд амталгаа зохион байгуулдаг байна.
“Visit Tokaj”-ийн мэдээллээр Чех, Словак, Польш улс Токайн дарсны экспортын гол зах зээлд хэмжээгээрээ багтдаг. Харин Франц, Испани, АНУ-ын худалдан авагчид литр тутамд хамгийн өндөр үнэ төлдөг байна.
Уур амьсгал ба Америкийн зах зээл
2026 оны зун Унгарт ган, хэт халалт үргэлжилсэн тул “Tokaj-Hétszőlő” хуурай дарсанд ашиглах усан үзмийн хураалтаа ердийнхөөс эрт буюу наймдугаар сарын дундуур эхлүүлжээ.
АНУ дахь Унгар дарсны “Palinkerie” импортын компанийг үүсгэн байгуулагч Афина Бочанисын хэлснээр Токайн хуурай болон амтлаг дарсыг дээд зэрэглэлийн ресторанууд сонирхож байгаа ч фурминтын нийлмэл амт нийтлэг хэрэглэгчдэд танил бус хэвээр байна.
Тэрбээр фурминт дарс олон янзын буюу “100 өөр төрх” харуулах боломжтой гэж тодорхойлжээ. Иймээс Токайн өсөлтийг зөвхөн үйлдвэрлэлийн хэмжээгээр бус, дарсны чанар, газарзүйн онцлог, түүхэн өв болон аяллын туршлагыг гадаадын хэрэглэгчдэд хэр ойлгомжтой хүргэхээс шалтгаална гэж салбарынхан үзэж байна.
Холбоотой мэдээ
Улаанбаатар-Хвасон хотууд үйлдвэрлэл, аялал жуулчлалын хамтын ажиллагаагаа өргөжүүлнэ
Хвасон хотод “Samsung Electronics”, “Hyundai”, “Kia” зэрэг томоохон үйлдвэрлэгчээс гадна олон жижиг, дунд үйлдвэр төвлөрдөг.
“Эмээлт” эко парк ашиглалтад орсноор ₮1.7 их наядын орлого бүрдүүлнэ гэж тооцжээ
539 га талбайд байгуулах “Эмээлт” эко аж үйлдвэрийн парк бүрэн хөгжсөнөөр нийт 1.7 их наяд төгрөгийн орлого бүрдүүлж, 5,600 гаруй тогтвортой ажлын байр бий болгохоор тооцжээ. Паркийн дулааны цахилгаан станц болон бохир ус цэвэрлэх байгууламжид нийт 224.6 тэрбум төгрөг зарцуулахаар төлөвлөсөн байна. Төсөл хэрэгжсэнээр жилд 86.3 тэрбум төгрөгийн татварын орлого төвлөрүүлж, оруулсан хөрөнгийг 6.7 жилийн хугацаанд нөхөх боломжтой.
АНУ-ын шинэ журам Хятадын эм бэлдмэлийн компаниудын хувьцааны ханшийг өсгөжээ
АНУ Хятадын компаниудаас шинэ эмийн лиценз авах боломжийг хэвээр үлдээх журам хэлэлцэж буй тухай мэдээллийн дараа Хонконгийн биобэлдмэлийн компаниудын хувьцааны ханш огцом өслөө. “Hang Seng Biotech” индекс даваа гарагийн арилжаагаар 5 гаруй хувиар өссөн бол “Akeso”, “Sino Biopharmaceutical” компанийн хувьцааны ханш тус бүр 8 орчим хувиар нэмэгдэв. АНУ, Хятадын эмийн лицензийн хамтын ажиллагаа үргэлжилбэл Хятадын шинэ эм хөгжүүлэгч компаниудын олон улсын зах зээлд гарах боломжийг дэмжинэ.
Cyclic Materials Аризона мужийн Меса хотод газрын ховор элементийн соронз дахин боловсруулах анхны үйлдвэрийн шугамаа нээлээ
Cyclic Materials АНУ-д газрын ховор элементийн соронз дахин боловсруулах томоохон хүчин чадлыг нээж, дотоод нийлүүлэлтийн сүлжээг бэхжүүлэхэд түлхэц өглөө 144,000 ам.фут талбайтай энэ байгууламж жилд 25,000 метр тонн бүтээгдэхүүн боловсруулж, MagCycle технологиор Mag-Xtract материал үйлдвэрлэнэ Үйлдвэрлэл эхэлснээр хаягдлаар гадагш урсах материал дотооддоо үлдэж, батлан хамгаалах эрсдэлийг бууруулах боломж нэмэгдэнэ
“Back to Starbucks”: Мянга гаруй кафег засварлаж, дэлгүүрийн борлуулалт 7.9 хувиар өсчээ
“Back to Starbucks” төлөвлөгөөний хүрээнд тус компани тусгай орчин, үйлчилгээний стандартыг сайжруулж байна. Сүүлийн есөн сарын хугацаанд 1,000 гаруй салбараа шинэчилж, нэг дэлгүүрийн борлуулалт 7.9 хувиар өсчээ. Богино хугацааны сурталчилгаанаас илүү хэрэглэгчийн өдөр тутмын туршлагыг сайжруулахад анхаарна.
Д.Трампын шахалтаар “Bombardier” үйлдвэрээ АНУ-д төвлөрүүлэх үү, эсвэл Канаддаа үлдэх үү?
Дональд Трамп Канадын нисэх онгоц үйлдвэрлэгч “Bombardier” компани үйлдвэрлэлээ тус улсад шилжүүлэх ёстой гэж мэдэгдэв. Трампын мэдэгдэл Канад АНУ-ын 700 гаруй нэр төрлийн бараанд нийт 20 тэрбум ам.долларын хариу тариф хэрэгжүүлэхийн өмнөхөн гарлаа. Хоёр улсын худалдааны маргаан хурцадсанаар үйлдвэрлэгчдэд хүнд сорилт тулгарч байна.