Сөүлд гадаад оюутнууд байрны гачигдалд орсон нь гаднын хөрөнгө оруулагчдад шинэ боломж нээж байна
Сөүлийн их, дээд сургуулиудад сурч буй 62,900 гадаад оюутны 10 хувь хүрэхгүй хэсэг нь л дотуур байранд орж, үлдсэн 56,200 орчим оюутан гадуур байр хөлслөхөөс өөр аргагүйд хүрчээ.
Сөүлд гадаад оюутнуудын тоо эрс нэмэгдсэн ч дотуур байрны хүрэлцээ муу байгаа нь дэлхийн үл хөдлөх хөрөнгийн хөрөнгө оруулагчдад том зах зээл нээж өгчээ. Энэ тухай олон улсын зөвлөх үйлчилгээний “Cushman & Wakefield” компани мэдээллээ.
2026 оны дөрөвдүгээр сарын байдлаар Сөүлийн их, дээд сургуулиудад 62,900 гадаад оюутан суралцаж байгаа нь өмнөх жилээс 11 хувиар өссөн үзүүлэлт юм. Гэвч сургуулиудын дотуур байр ердөө 6,700 оюутныг буюу 11 орчим хувийг нь л багтаах хүчин чадалтай. Иймд 56,200 гаруй оюутан гадуур хувийн байр түрээслэхээс өөр аргагүйд хүрээд байна.
АНУ, Их Британи зэрэг орнууд оюутны визээ чангатгаснаар Азийн залуус бүс нутагтаа ойр сурахыг илүүд үзэх болсон. Тиймээс Сөүлд оюутны байрны эрэлт цаашид ч тасрахгүй гэж “Cushman & Wakefield”-ийн бүсийн судалгааны албаны дарга Жош Рөүз-Нөүкс онцолжээ.
Өндөр барьцаагүй, бүх үйлчилгээтэй байрны эрэлт
Өмнөд Солонгост байр түрээслэхэд "жонсэ" гэх мэт маш их хэмжээний урьдчилгаа барьцаа мөнгө түгжих шаардлагатай болдог. Тус улсад зээлийн түүхгүй, ойр дотны хүнгүй гадаад оюутнуудад энэ нь том саад болдог аж.
Яг энэ орон зайг нөхөхөөр "Invesco", "Hines", "Morgan Stanley", "Nuveen" зэрэг дэлхийн хөрөнгө оруулалтын аваргууд оюутнуудад тусгайлан зориулсан орон сууцны зах зээл рүү орж эхэлжээ. Судалгаанаас харахад барьцаа мөнгө багатай, хэрэглээний бүх зардал нь багтсан нэг өрөө байрны сарын түрээс уламжлалт байрнаас 20 орчим хувиар өндөр байх ч жилийн нийт зардлаараа ойролцоо тусах аж.
Түүнчлэн хөрөнгө оруулагч компаниуд байраа хоосон байлгахгүйн тулд засвар үйлчилгээ, тав тухад илүү анхаардаг тул оюутнуудын амьдрах орчин ч дагаад сайжирна гэж Рөүз-Нөүкс тайлбарласан байна.
Олон нийтийн болгоомжлолыг хэрхэн арилгах вэ?
Гэхдээ гаднын томоохон компаниуд орон сууцны зах зээлд орж ирэх нь байрны үнийг хөөргөдөж, нутгийн иргэдтэй өрсөлдөөн үүсгэх вий гэсэн болгоомжлол Солонгосын нийгэмд бий.
Үүний тулд хөрөнгө оруулагчид бэлэн байгаа хуучин байрнуудыг бөөндөж авах бус, харин шинэ барилга барьж байрны нийлүүлэлтийг бодитоор нэмэгдүүлж байгаагаа харуулах ёстойг Рөүз-Нөүкс зөвлөжээ. Мөн төрөөс тодорхой дүрэм журам гаргаж, тэднийг үнэ хөөргөгч бус "орон сууц нийлүүлэгч" гэж харвал олон нийт ч эергээр хүлээж авна гэж тэрбээр үзэж
Шинэ мэдээг цахим шуудангаар авах бол бүртгүүлнэ үү.
Холбоотой мэдээ
