Женсен Хуангүй “Nvidia”: AMD, "Broadcom"-д боломж нээгдэв үү?

“Nvidia”-ийн үүсгэн байгуулагч, гүйцэтгэх захирал Женсен Хуанг албан тушаалаасаа огцорсонтой зэрэгцэн тус компанийн хувьцааны ханш буурч, өрсөлдөгч чип үйлдвэрлэгчдийнх огцом өсч байна.

Арваннэгдүгээр сарын 6-ны арилжааны хаалтаас 12-ны хаалт хүртэл “Nvidia”-ийн хувьцааны ханш 186.64 ам.доллароос 166.19 ам.доллар болж, 10.96 хувиар буурчээ. Харин ижил хугацаанд “Advanced Micro Devices” (AMD)-ийн хувьцааны ханш 30.35 хувь, “Broadcom”-ийнх 24.06 хувиар өссөн байна. Энэ нь хөрөнгө оруулагчид хиймэл оюуны чипийн зах зээл дэх өрсөлдөөний төлөв, “Nvidia”-ийн удирдлагын залгамж чанар болон бусад компанийн өсөлтийн боломжийг дахин үнэлж байгаатай холбоотой байж болзошгүй. Тус компанийн санхүү хариуцсан захирал Колетт Кресс гүйцэтгэх захирлын түр орлон гүйцэтгэгчээр хавсран ажиллаж байгаа бөгөөд ТУЗ-ийн даргаар Харви Жонсыг томилжээ.

“Nvidia”-ийн хувьцааны ханш нэг өдөрт 4.34 хувиар буурчээ Арваннэгдүгээр сарын 12-ны арилжааны үеэр “Nvidia”-ийн хувьцааны ханш 148.80 ам.доллар хүртэл унасан ч өдрийн эцэст 166.19 ам.доллароор хаагджээ. Энэ нь өмнөх өдрийн 173.73 ам.долларын хаалтын ханшаас 4.34 хувиар буурсан үзүүлэлт юм. Харин арваннэгдүгээр сарын 12-нд AMD-ийн хувьцааны ханш 5.86, “Broadcom”-ийнх 5.54 хувиар өсчээ. Арваннэгдүгээр сарын 6-ны арилжааны хаалтаас 12-ны хаалт эдгээр компанийн хувьцааны ханш 30 болон 24 хувиар өсчээ.

TSMC-ийн хувьцаа өссөн ч өдөр тутмын хөдөлгөөн нь ялгаатай байв “Nvidia”-ийн дэвшилтэт процессоруудыг үйлдвэрлэдэг Тайванийн TSMC-ийн Нью-Йоркийн хөрөнгийн биржид арилжаалагддаг хувьцааны ханш арваннэгдүгээр сарын 6-нд 375.44 ам.доллар байсан бол 12-нд 405.61 ам.доллар болж, 8.04 хувиар өссөн. Харин арваннэгдүгээр сарын 12-ны арилжаагаар тус компанийн хувьцааны ханш өмнөх өдрийн 413.35 ам.доллароос 1.87 хувиар буурсан байна.

TSMC нь зөвхөн “Nvidia”-д бус, бусад томоохон технологийн компаниудад чип үйлдвэрлэдэг. Иймээс хиймэл оюуны тооцоолох хүчин чадлын эрэлт нэмэгдэх нь аль нэг чип зохион бүтээгчийн зах зээлд эзлэх байр сууриас үл хамааран үйлдвэрлэлийн түншүүдэд боломж бий болгодог аж.

Удирдлагын өөрчлөлт “Nvidia”-ийн өрсөлдөх чадварт хэрхэн нөлөөлөх вэ? Женсен Хуанг 1993 онд “Nvidia”-ийг үүсгэн байгуулснаас хойш 33 жилийн турш удирджээ. Түүний ийн огцорсон нь компанийн стратегийн залгамж чанартай холбоотой асуултуудыг бий болгов.

Хиймэл оюуны чипийн зах зээл дэх өрсөлдөөн зөвхөн процессорын хүчин чадлаар хязгаарлагдахгүй. Үйлдвэрлэлийн багтаамж, нийлүүлэлтийн тогтвортой байдал, программ хангамжийн экосистем болон томоохон харилцагчидтай тогтоосон харилцаа нь өрсөлдөх чадварт чухал нөлөөтэй.

“Nvidia”-ийн ТУЗ-ийн дарга Харви Жонс удирдлагын багт бүрэн итгэлтэй байгаагаа илэрхийлж, компанийн үйл ажиллагаа, харилцагчдын өмнө хүлээсэн үүрэг болон бүтээгдэхүүний хөгжүүлэлтийн төлөвлөгөө тасалдахгүй гэж мэдэгдсэн байна. Тус компани арваннэгдүгээр сарын 17-нд 2027 оны санхүүгийн жилийн гуравдугаар улирлын тайлангаа танилцуулах хуваарьтай. Хөрөнгө оруулагчид санхүүгийн үр дүнгээс гадна удирдлагын шилжилтийн үед бүтээгдэхүүний хөгжүүлэлт, үйлдвэрлэлийн нийлүүлэлт болон өсөлтийн стратеги хэрхэн үргэлжлэхэд анхаарал хандуулах төлөвтэй байна.