Шатахууны нөөц 10 гаруй хоногт хүрч, БНХАУ болон БНСУ-аас нийлүүлэлт нэмэгдүүлэхээр болжээ
ОХУ-аас нийлүүлэх шатахууны хэмжээ багассанаар Улаанбаатар болон орон нутагт шатахуун түгээх станцуудын дараалал дахин нэмэгдэв.
ОХУ-аас Монгол Улсад нийлүүлэх шатахууны хэмжээ багассанаар сүүлийн өдрүүдэд Улаанбаатар хот болон орон нутгийн шатахуун түгээх станцуудад дараалал дахин нэмэгдэв. Нийлүүлэлтийн доголдлыг бууруулахын тулд БНХАУ болон БНСУ-аас газрын тосны бүтээгдэхүүн импортлохоор гэрээлээд байгааг Аж үйлдвэр, эрдэс баялгийн яамны Төрийн нарийн бичгийн дарга Б.Дашпүрэв мэдээллээ.
Өнгөрсөн 24 цагийн хугацаанд Улаанбаатар хотын 95 шатахуун түгээх станцад 1,135 тонн автобензин нийлүүлжээ. Улсын хэмжээнд одоогоор 128 вагонцистерн буюу 7,686 тонн АИ-92 бензин тээвэрлэгдэж байгаагаас Толгойт, Дархан, Эрдэнэт, Сайншанд зэрэг өртөөнд 5,160 тонн шатахуун хүрч, аж ахуйн нэгжүүд буулгаж байгаа аж.
БНХАУ-аас 8,000 тонн АИ-92 бензин авна
Монгол Улс БНХАУ-аас 8,000 тонн АИ-92 автобензин импортлохоор гэрээлж, тээвэрлэлтийг эхлүүлжээ. Үүнээс 10 вагонцистерн шатахуун Улаанбаатарт ирж, түгээлтэд гарсан байна.
Мөн БНСУ-ын тал 12,000 тонн газрын тосны бүтээгдэхүүн нийлүүлэхэд бэлэн болсон бөгөөд импортлогч аж ахуйн нэгжүүд хуваарилалтаа хийж байгааг албаныхан тайлбарлалаа.
Улсын хэмжээнд шатахууны нөөц 20 хоногийн хэрэглээг хангах хэмжээнд хүрсэн үед импортлогч аж ахуйн нэгжүүд түгээлтээ илүү жигд хийх боломжтой бол одоогийн нөөц 10 гаруй хоногийн хэрэглээнд хүрэх хэмжээнд байгаа аж.
“Улсаараа шатахууны хомсдолд орж тэг зогсолт хийнэ асуудал байхгүй. Нөөцөө бүрдүүлж чадахгүй байгаагаас доголдол давтагдаад байна”
Евро-5 шатахууны үнэ нэмэгдэхгүй гэв
БНХАУ болон БНСУ-аас Евро-5 стандартын АИ-92 бензин импортлохоор төлөвлөжээ. БНСУ-ын талаас ирүүлсэн үнийн санал харьцангуй хямд байгаа тул Евро-5 стандартын шатахууны жижиглэнгийн үнэ нэмэгдэхгүй байх боломж бүрдэж байгааг албаныхан онцлов.
Харин ОХУ-аас нийлүүлэх бүтээгдэхүүний шинэ үнийн саналыг өнөөдөр авахаар хүлээж байгаа аж.
Шатахууны нийлүүлэлт хэвийн түвшинд хүрэх эсэх нь ойрын хугацаанд ОХУ-аас хийх ачилтын хэмжээ болон БНХАУ, БНСУ-аас гэрээлсэн бүтээгдэхүүн Монголд ямар хурдаар орж ирэхээс хамаарах нь.
Холбоотой мэдээ
БНХАУ АНУ-аас ирэх хоёр жилд 10 сая тонн нүүрс импортлохоор тохиролцжээ
Жилийн худалдан авалтын хэмжээ нь АНУ-ын 2025 оны нийт нүүрсний экспортын бараг 12 хувьтай тэнцэнэ. Энэ нь өнгөрсөн жил БНХАУ руу нийлүүлсэн хэмжээнээс 11 дахин их үзүүлэлт юм.
Алт “итгэл шаардахгүй” хөрөнгө болж, эрэлт нэмэгдэж байна
Зах зээлийн тодорхойгүй байдал нэмэгдэхийн хэрээр хөрөнгө оруулагчид алтыг үнэ цэн хадгалах хөрөнгө гэж үзэх болжээ.
Газрын тосны ханш Ази, Номхон далайн даваа гарагийн арилжааны эхэнд 1 гаруй хувиар өслөө
АНУ-ын WTI төрлийн газрын тосны арваннэгдүгээр сард нийлүүлэх фьючерс 1.3 хувиар өсч, баррель тутамдаа 93.62 ам.долларт хүрсэн бол Brent-ийнх 1.8 хувиар нэмэгдэн баррель тутамдаа 106.31 ам.
555.3 мянган тонн үр тариа хураах төлөвтэй байна
Есдүгээр сарын 23-ны байдлаар 138.3 мянган тонн үр тариа хураагаад байна. Өнгөрсөн оны мөн үетэй харьцуулахад улаанбуудайн ургац хураах талбай 33.3 мянган га буюу 45.7 хувиар нэмэгджээ.
БНХАУ-ын коксжих нүүрсний хомсдол зах зээлээ тэлэх боломжийг Монголд олгож байна
БНХАУ-ын коксжих нүүрсний импорт өнгөрсөн сард жилийн өмнөх мөн үеэс 28.6 хувиар өсч, 13.07 сая тоннд хүрчээ.
АНУ–Ираны хэлэлцээ дипломат гарц өгч магадгүй гэх хүлээлт тэжээж, газрын тосны үнэ буурлаа
АНУ–Ираны яриа хэлэлцээ нийлүүлэлтийн доголдол намжиж магадгүй гэсэн хүлээлт өгч, газрын тос буурлаа Арваннэгдүгээр сарын Brent фьючерс 0.75%-иар унаж 98.51 ам.доллар, WTI 1.03%-иар буурч 89.59 ам.